Data Science

إن الـ Data موجودة في أشكال مُختلفة زي الصور والكتابات والرموز، ولكن البيانات بأشكالها ملهاش أهمية لو مقدرناش نحللها ونطلع منها بمعلومات مفيدة.

وهنا بيجي دور الـ Data scientist:

-وهو المسؤول عن تحليل البيانات.

-إستنتاج إجابات ومعلومات يحل بيها مُشكلة معينة.

-ويتوقع قيم مستقبلية قد تكون غير متوقعة في بعض الأحيان.


ودا بيتم عن طريق تطویر Models مبنیة على :

Mathematical models, Statistical models, Machine learning, Deep learning.


من الأمثلة الحيّة على استخدام الـ Big Data دي وتحلیل الـ Scientist لیها:

➡️ Speech Recognition

كلنا أو معظمنا بيستخدم برامج صوتية زي (Google Assistant, Siri, Alexa)

تعتمد علي وجود Algorithm بيشتغل وبيحاول يفهم ويقيّم كلماتك ويرجع بنتيجة مثمرة في وقت قياسي، ودا بناءً علي البيانات الموجودة قبل كدا.

وكمان تحويل أصوات الأشخاص لـ نص مكتوب، ودا جزء من الـ (AI) ولكنه يندرج تحت الـ Data Science.


➡️Health Care

◾تحليل الصور والتشخيص ودي من الطرق التقليدية اللي الدكاترة بيدرسوا فيها الإشاعات عن طريق تحديد جوانب مختلفة في الأشعة ومنها بيتم التشخيص، ولكن مع التطور واستخدام الـ Data Science بيتم التعرف علي الصور والإشاعات دي تلقائياً.


◾الأبحاث والچينات والوراثة وفيها حصل تطور كبير عن طريق إستخدام الـ Data Science وهدفها دراسة تأثير الـ DNA علي صحة أي شخص، وبتحاول إنها تلاقي علاقة بين الأمراض والچينات والأدوية.


◾إكتشاف أدوية جديدة والمساعدة في تطويرها ودا بيتم عن طريق انه بيقدم Algorithm محدد يعطينا نتيجة فورية في مدي نجاح الأدوية دي بدلًا من الطرق المعملية اللي كانت بتستغرق وقت كبير جدًا في البحث والاختبارات.


ومن التطبيقات اللي بتساعد الدكاترة في التشخيص تطبيق “MapReduce“، وهو بيسهل إكتشاف الأورام وبيوفر وقت كبير جدًا في معالجة البيانات الخاصة بالچينات.


بالإضافة لـ “ONCORA MEDICAL” بيستخدم بیانات قدیمة عن مرض السرطان، وإشاعات للناس بالتعاون مع فریق طبي عشان یعرفوا العلاج اللي اتبعوه والآثار الجانبیة وبتحليل كل ده یقدروا يحددوا نظام علاجي مناسب لكل حالة.


➡️Google Maps

وهي بتعتمد علي تجميع الـ Data كل یوم من مصادر مختلفة، واللي منھا طبعًا الـ Smart Phones عشان تحدد الحركة المختلفة للمارة وتحدد اذا كان دا سائق ولا من المشاة؟ وبیمشي في أي وقت أكتر؟ وعلى أساس المعلومات دي بتستخدم Machine Learning، وبتقدر تحدد أوقات الذروة في كل شارع والوقت اللي متوقع یقضوه الناس، وتحوله لخطوط ملونة في الخریطة تساعدنا إننا نمشي في أسرع طریق.


كمان فيه منظمات بتستغل بیانات الناس دي في حاجات مختلفة زي الانتخابات، ودا اللي عملته شركة "كامبردج أنالیتكا" اشترت بیانات الناخبین الأمریكیین، واستغلتھا في الانتخابات الرئاسیة الأمریكیة، وعرفت الناخبين إيه هدفهم، والمؤثرين علي الإنتخابات، واستغلت دا كله عشان توصل لھدفھا.


الـ Data موجودة كتير جداً واستغلالها بيكون بشكل غير متوقع لينا ومُبهر في بعض الأحيان، ومع تطور العلم بيزيد أهميتها كل يوم.


فـ لو حبيتوا تدخلوا في المجال:

لازم يكون معاكم لغة برمجة زي R, Python، وعندكم خبرة في الإحصاء والاحتمالات والجبر والتفاضل..


author

CIS Team

CIS Team MU

Leave Comment

wave
Please provide a valid Comment.

Press ESC to close