Web Storage

جربت تملي فورم وتعمل Submit بس الـ Browser هنج واضطريت تعمل Reload يمكن يتظبط!


بعدها ظهرت الفورم فاضية وهتمليها من الأول تاني 😢


طيب جربت تغير لون صفحة علي موقع أو تغير اللغة بتاعتها للغة العربية مثلاً!


بس في الحالة دي لو دوست علي أي لينك في الصفحة دي وفتحلي صفحة تانية هتكون باللغة العربية بردو زي ما اخترت قبل كدا .


أكيد هتسأل ليه في الأول محتفظش بـ بيانات الفورم زي ما احتفظ باللغة كدا ؟! 🤔


عشان ببساطة الـ Web Page مش بتحتفظ بالبيانات دي لوحدها .. تعالي نعرف أي الـ بيحصل 😌


في البداية عندنا حاجة اسمها Web Storage API (Application Programming Interface) ..


أي هو الـ API دا وأي هدفه ؟


هو Function بتعمل وظيفة معينة وهي تبادل Data بيني وبين App تاني .


إزاي ! .. يعني ممكن برنامج شغال Java غيره شغال Payton غيره ++C يفهموا بعض !!


اه عادي ودا بسبب أن الـ Data اللي بتتنقل بتستخدم حاجة Standard علي كل الـ Platform زي XML5 , JSON .


وأي لغة في الدنيا تقدر تفهمهم كمان 😌


بس هدفه إخفاء التفاصيل وبيعملها "Encapsulation" بمعني أنه بيغلفها زي الكبسولة كدا بتاخدها بس متعرفش جواها أي لكن لها جرعة معينة ومواعيد .. فـ API بيقدملي الحاجة من غير ما اهتم هي اتعملت ازاي بس ههتم اتعامل معاها ازاي .


عشان كدا في أمثلة كتير في حياتنا عن الـ API


زي الـ Facebook بنفتحه كل يوم وطول الوقت .. لكن عملنا تسجيل دخول مرة واحدة بس


دا كان بسبب الـ API بيوفره Facebook للمواقع 🤷


كدا عرفنا معلومات بسيطة عن الـ API .. طيب في أنواع كمان للـ Storage وهي : -


1- Session Storage :


في الحالة دي بيحتفظ بمساحة التخزين منفصلة لكل مصدر، بتكون متاحة طول ما الـ Browser مفتوح .


ممكن نشبهها أننا بنحضر سيشن في ايڤنت مثلاً .. لما بتخلص بنقوم نمشي والـ Speaker دوره بينتهي .


فـ هنا أول ما نقفل الـ Browser البيانات الـ اتخزنت دي هتتمسح أو دورها هينتهي 😌


2-Local Storage :


هي نفس الـ Session لكن بتستمر عادي حتي لو الـ Browser اتقفل وفتحته تاني بعد يوم، شهر أو حتي سنة .


بس هنتكلم عن حاجة تانية شائعة جداً في الـ Storage بردو وهي الـ Web Cookies 🍪😋


لو كنت زورت موقع علي النت قريب من المحتمل أنك شوفت إشعار من Cookies 😌


تعالي نشوف أي هي وبتعمل أي وأي فايدتها 🏃


هي مجموعة صغيرة من الـ Data بتراقب الـ Users عشان تعرف معلومات عنهم وعن المواقع اللي بيزوروها ..


أو ممكن نقول إنها رسالة الـ server بيديها للـ Browse .


فـ السيناريو بيمشي كالتالي لما أزور أي موقع :


• الـ Browser بتاعي بيخزن كل رسالة في ملف صغير اسمه Cookie.txt .


• الـ Files دي بيبقي فيها كل المعلومات عن زيارتي للـ Web Page دي وأما أروح علي أي Web Page تانية الـ Browser بيبعت الـ Cookie دي تاني للـ Server فـ يقدر يجمع معلومات عن الـ Web Pages الأكثر استخداماً وأي أكتر الصفحات اللي بيتم زيارتها دايماً .


• الـ Server كمان بيستخدم الـ Cookies عشان يقدملي Web Page شخصية .. بمعني أن أما أزور أي موقع واختار بعض الحاجات الـ Favorite ليا


الـ Server بيستخدم اختياراتي دي في أنه ياخد كل المعلومات دي عني ويحطها في File، بحيث أما أزور الموقع تاني الـ Server يستخدم المعلومات دي عشان يبني Page ليا .


دا أدي إلي أن الـ Online Stores تستغل الـ Cookies في الـ Online Shopping 🛒 ⁦


عندنا نوعين من الـ Cookies : -


1- Session Cookies :


هي عبارة عن Cookie بتتمسح لما اقفل الـ Browser بتاعي لأنها بتتخزن في ذاكرة مؤقتة .


2- Persistent Cookies :


هي عبارة عن Cookie دائمة اللي بتتخزن علي ال Hard Drive لحد انتهاء صلاحيتها أو حتي حذفها .


أي دا يعني المعلومات الـ بسجل بيها بتروح فين ومين بيشوفها ! 😲


هو في Security خاصة بـ Cookies ..


الموقع اللي بيصنع Cookie هو الوحيد اللي يقدر يقرأها ويقرأ المعلومات اللي فيها، يعني أي Servers تانية متقدرش تعرفها .


بس طبعاً كل حاجة ليها سلبيات .. من أكبر قضايا الـ Cookies متعلقة بالخصوصية والأمن 😢


لأن الـ Cookies تقدر تعرف معلومات ونشاطات الـ User علي النت ممكن أي طرف تالت يوصل للمعلومات دي ويستخدمها بشكل عدواني، أنهم يوصلوا للإيميل والباسورد بتاعك وأي معلومات عنك .. عشان كدا ناس كتير بتتجنبه .


ولكن تقدر تعرف الـ Cookies الخاصة بيك المخزنة علي الـ Browser، تتحكم إزاي في المواقع اللي تقبل منها الـ Cookies، ممكن كمان تتحكم اد أي الـ Cookies دي تتخزن أو تُستخدم من هنا :


https://kb.iu.edu/d/ajfi


https://kb.iu.edu/d/ahic


وبكدا نكون وصلنا لآخر المقال وعرفنا فيه بعض المعلومات عن موضوعنا 😌🌸




author

CIS Team

CIS Team MU

Leave Comment

wave
Please provide a valid Comment.

Press ESC to close