Software Testing

في ظل الحَجر والبحث عن شيء مُسلي اكتشفنا حاجة غريبة جداً ..

من كام سنة اضطرت ستاربكس لـ غلق حوالي 60% من المتاجر في الولايات المتحدة وكندا، لاقينا أن السبب هو فشل في الـ (Software) بتاعها !

ودا أدي إلي أنها تقدم القهوة مجاناً في الفترة دي 

لاقينا أن حصل كدا كمان مع أمازون لما بائعين التجزئة شافوا سعر منتجهم انخفض بسبب خلل في الـ Software بردو، كان سبب في خسارة كبيرة جداً لهم 

حصل كوارث كتير جداً، فـ كان السبب المشترك هو خلل الـ Software لكن مع الوقت عالجوا المشاكل دي من خلال عمل Software Testing

فـ قررنا نقوم بـ رحلة إلي كوكب كبير جداً أغلب كُليتنا بتعيش فيه 

وهو كوكب الـ Software .. طبعاً احنا عارفين أن الكوكب دا فيه محطات كتير زي الـ Specification, Design&Implementation, Evaluation مهمة جداً لـ نجاح أي System ولكن هنروح لـ محطة الـ Testing نشوف فيها أي مهم أوي كدا 

وصلنا لـ محطة الـ Testing وقابلنا Levels متقسمة ورا بعض، هنستكشفها في رحلتنا دي  

 أول Level كان الـ Unit Testing :

- فيها الـ Tester بيختبر جزء بسيط من الـ SW زي Functions, Constructors, Destructors .

- بيضمن ويجرب أنها شغالة كويس ومفيش ايرور .

- ممكن يعمل Test للجزء دا أكتر من مرة كمان بس في كل الحالات الـ Unit Testing مش بيتأكد من الوظيفة بصورة كاملة .

- لكن بيزيد من الكفاءة ويقلل الوقت والتكلفة .

- الـ بيشتغل في المرحلة دي هو الـ Developer المختص في الـ White-box .

طيب أي الـ White-box دا !

- مش عارف، نكمل استكشاف يمكن نعرف في الآخر ⁦⁦⁩

 تاني Level كان الـ Integration Testing :

- بيبدأ الـ Tester يجمع كل جزء بسيط عمله Test في المرحلة الـ فاتت ويعملها Integration يعني يكملها ببعض ويختبرها .

- بيعمل Test للـ Interfaces بين الـ Components وبعضها ..وبين الـ System والتاني عشان يتأكد أن مفيش Defects .

 تالت Level كان الـ System Testing :

- بعد ما جمّع كل الأجزاء في المرحلة الـ فاتت ويختبرها كدا معانا System كامل بقا نعمله Testing كـ كل بكل محتوياته .

- بس الـ Tester بيحاول تكون الـ Environment الـ هيستخدمها في SW Testing تكون مشابهة للخاصة بـ Production الـ شغال عليه عشان يقلل الـ Risk الي ممكن يحصل لو في اختلاف .

 رابع Level والأخير كان الـ Acceptance Testing :

- معظمهم بيضيفوا المرحلة دي .. بيكون الـ System جاهز خلاص بعد المراحل الـ فاتت أنه يتقدم للعميل .

- بيختبر فيه الـ System وتقييمه للإستخدام .

- مش شرط تكون المرحلة دي في الآخر .. ممكن اعملها بعد أي مرحلة من الـ فاتت واشوف مدي صلاحياتهم للاستخدام .

• وأخيراً، خلاص هقولك أي الـ White-box الـ سألت عليه في الأول 

في البداية خالص الـ هيشتغلوا علي SW Testing بيتقسموا لـ مجموعات كدا كل مجموعة بتشتغل علي مراحل معينة .. فـ عندنا :

- الـWhite-box : بيشتغلوا علي مرحلة الـ Unit Testing .

- الـ Black-box : بيشتغلوا علي المراحل كلها .

- الـ Gray-box : دا بقا Hybrid يعني بيشتغل علي المجموعتين الـ فاتت بس بيهتم أكتر بـ Data Structure .

كدا تكون انتهت رحلتنا وعرفنا بيها معلومات بسيطة عن مجال مهم ووظيفة مهمة جداً 

والآن، نستعد للهبوط ونعلن انتهاء الرحلة